کراچی : طلبہ کی مدد اور نوجوانوں کے علم میں اضافہ کے لئے چیریٹی ایٹرنل ہوپس نے ٹی وائی منگھوپیر اسکول میں پہلی لائبریری قائم کردی۔

پریس ریلیز کے مطابق لائبریری کا افتتاح 10 اگست کو کیا گیا ہے، اسکول کے پرنسپل  محمد امین نے اس کاوش کو سراہا ، وہ بے حد خوش نطر آئے کہ آخر کار اسکول کے پانچ سو طلبہ کے پاس اب لائبریری موجود ہے۔

اس موقع پر ڈاکٹر رتھ پفاو اور سسٹر جنین  گینس نے مطالعے کی اہمت پر زور دیا۔انہوں نے امید ظاہر کی کہ بہت سے لوگ انہی کے نقش قدم کی پیروی کریں گے۔

 اس ادارے کی بنیاد زرک قریشی ، سمیر شہزاد سلیم ، نورین شہزاد سلیم ، سیف قریشی ، دانیال قریشی اور نور زیبری نے رکھی، یہ رفاعی ادارہ پچھے سات سالوں سے زلزلہ متاثرین کی مدد کررہا ہے۔

اس مہم میں متحرک نوجوانوں کے ذریعے 3000 کتابیں حاصل کی گئیں اور امید ظاہر کی گئی کہ مزید اس میں اضافہ کیا جائے گا ۔ جمع کی جانے والی کتابوں کو پاکستان کے غریب بچوں کے اسکولوں میں تقسیم کیا جائے گا ۔

ایسا اقدام ہمارے نوجوانوں  کو اپنے ملک کے لئے کچھ کر دیکھانے کا جزبہ پیدا کرتا ہے ،اور ساتھ ہی دوسرے پاکستانیوں کو قابل تقلید ہے۔